Новы генплан - усім планам пан? Грамадскае абмеркаванне развіцця Гомеля адбудзецца 20 траўня

• Я ♥ Гомель  

ГМКГА «Талака» шчыра запрашае ўсіх гамельчукоў якім неабвякавы лёс роднага горада на грамадскае абмеркаванне генеральнага плана развіцця Гомеля, якое адбудзецца 20 траўня.

Прыходзь, твой голас і тваё меркаванне маюць значэнне!

Новы генплан развіцця Гомеля да 2030 г. утрымлівае шмат спрэчных момантаў. Гэта і суцэльны знос усё аднапавярховай драўлянай забудовы ў цэнтры, нават важных з кропкі гледжання гісторыі і архітэктуры старых дамоў (нагадаем, што ўсе вымаганні гомельскіх краязнаўцаў і актывістаў аб тым, каб улады стварылі ахоўны раён дзе размесціўся б комплекс старой забудовы Гомеля, або музея пад адкрытым небам пакуль застаюццца марнымі); і будаўніцтва т.зв. «Усходняга абход» — маста і магістралі што пройдзе ўсяго ў некалькіх сотнях метраў ад пляжна-паркавай зоны горада і разбурыць экалагічную сітуацыю ў гэтым месцы; гэта і планы па пашырэнні ўсіх дарог што вядуць у цэнтр горада, у выніку чаго ўжо зараз коркі на вуліцах гораду сталі шырэйшымі, але не зніклі і шмат чаго яшчэ.

На дадзены момант усе рашэнні, звязаныя з развіццём нашага горада прымаюцца без уліка меркаванняў і думак гараджан, таму мы задаліся мэтай УПЕРШЫНЮ зладзіць падобную дыскусію, каб прыцягнуць увагу да гэтай тэмы.

На гэтым абмеркаванні вы:

— даведаецеся, што генплан падрыхтаваў нам
— зразумееце якія хібы дапушчаныя ў ім і якія месцы трэба было б скарэктаваць
— зможаце выказаць свае заўвагі і падыскутаваць з іншымі па праблемных пытаннях
— атрымаеце магчымасць быць пачутым і сфармуляваць сваё бачанне таго, як нам можна змяніць гэтую сітуацыю
Прыходзьце самі і прывадзіце сяброў!
Калі: 20 траўня, 14.00
Дзе: пакой № 3-3 гасцініцы «Надзея» (побач з «Турыстам», вул. Галавацкага, 19)
Кантакты: (44) 7494166 (Яўген Меркіс)
Падзея Вконтакте: vk.com/homelplan
Падзея ў Facebook: facebook.com/events/238267039607087/
Акаўнт у Twitter: twitter.com/talaka_nashkraj

• генеральный план гомеля

• 0
• 18 мая 2012, 14:50
• admin